Her sjekkar studentane kva med-studentane kastar

20. mai

*Oda Emilie Solbakken Rosvoll. FOTO: SIMAS*

– Me er overraska over kor mykje etbar mat studentane i Sogndal kastar.

Bachelorstudentar frå fornybar energi ved Høgskulen på Vestlandet har vore på sorteringsanlegget vårt for å sjå restavfallet til studentheimane i Sogndal. Dei gjennomførte ein såkalla plukkanalyse, der dei opnar restavfallet me har henta inn og ser kva som er sortert feil og kva som er sortert rett.

– Me er overraska over er kor mykje etbar mat som er kasta. Me hadde trudd at studentar åt opp maten sin for å vera meir økonomiske, seier Birte Tunge Sterri til Sogn Avis.

Dei fem studentane Elise Kirkebøen, Kaja Stamer Ekerholt, Sondre Thorsen Siglevik, Birte Tunge Sterri og Oda Emilie Solbakken Rosvoll skriv bacheloroppgåve der dei samanliknar ulike kosthald: Folkehelseinstituttet sitt anbefalte kosthald, vanleg studentkosthald, vegetarkosthald og fattig-studentkosthald. Dei finn ut kor mykje dei ulike kosthalda påverkar miljøet, kor mykje avfall dei produserer, kva som skjer med avfallet og om det blir kjeldesortert rett.

Av 420 kilo restavfall frå studentheimane på Stedje og Elvatunet, tok studentane stikkprøver av rundt 200 kilo. Her fann dei at rundt 70 prosent av restavfallet var feilsortert. Berre 39 prosent var faktisk restavfall, medan 22 prosent av det som låg i restavfallet var etbar mat.

– Me er sjokkert over dei store mengdene etbar mat som gjekk i søppelet. Spesielt med tanke på studentane sin økonomi, seier Siglevik.

Kaja har difor ei oppmoding til alle studentar:

– Kjøp berre det du treng. Ver flink å frysa ned mat og lag restemat. Me har sett at det er mykje matrestar som er i søppelet.

Les meir i Sogn Avis.

*Elise Kirkebøen, Kaja Stamer Ekerholt, Sondre Thorsen Siglevik, Birte Tunge Sterri og Oda Emilie Solbakken Rosvoll gjenomførte ein plukkanalyse hjå oss 5. mai. FOTO: SIMAS*

Meir om matreddar-kampanjen

Les også:

Liv Signe: - Ein treng ikkje kaste meieriprodukt

Stortingspolitikaren har ei fortid i Tine og eit godt tips til korleis ein unngår å kaste sure meieriprodukt: Prøv denne oppskrifta!

Prøv cowboypannekaka til Maria Knagenhjelm

Har du gamle pølser, restar frå tacofredagen, sliten brokkoli eller slapp asparges, blir maten som ny i denne restefest-oppskrifta.

Katherines banankake slår ikkje feil - slik hindrar ho og medelevane matsvinn

Frå brune bananbuntar i ein handlepose, til velduftande banankake - dandert med nøtter og sjokolade.

Slik organiserer Joar familiens kjøleskap

- Dei gongene eg endar opp med å kaste mat, er det fordi eg rett og slett har slurva.

Sigrid Henjum: - Alt smakar betre ute!

Sigrid Henjum let det ikkje herske nokon tvil: restemat og turmat er to sider av same sak.

I denne smoothien «reddar» Rasmus skada frukt

– Om ei pære har fått seg ein liten støyt, er den resterande 90% av frukta nett like god.

Overraskingsposar har hindra bensinstasjonen frå å kaste 2608 måltid

Halvanna år etter at Circle K i Sogndal allierte seg med matreddar-appen Toogoodtogo, har dei redda fleire tusen måltid frå å hamne i bos.

Kva gjer du med overmodne tomatar?

Er du mellom dei mange som i år har dyrka frukt eller grønsaker sjølv?

Her sjekkar studentane kva med-studentane kastar

– Me er overraska over kor mykje etbar mat studentane i Sogndal kastar.

Ivar Kvalen: - Bruk datodisken

Ordføraren i Luster har ei klar oppmoding: Kjøp mat med kort haldbarheitsdato. Då hjelper me butikkane å kaste mindre mat, og du får billegare middager.

Gasta Design

Vi skaper lønnsame nettsider basert på Squarespace, og utviklar gjerne din visuelle identitet eller hjelper deg med digital markedsføring.