Tok fagbrev i anleggsmaskinførarfaget

Me i SIMAS ser viktigheita av fagutdanning, og gratulerer kollegaen vår Gaute P. Øen med fagbrev!

Førre veke bestod Gaute P. Øen fagprøven i anleggsmaskinførarfaget. No er han fast tilsett i i SIMAS, og har allereie opparbeid seg mykje erfaring. Han starta i SIMAS som lærling i transportfaget allereie i 2019.

– Lærlingeordninga er ein fin måte å rekruttere nye tilsette og auke kompetansen i bedrifta, seier Aud Jane Beheim, Økonomi- og HR-sjef i SIMAS.

– Ungdomane kjem inn i bedrifta som eit friskt pust med mykje energi og entusiasme. Det gir ein ny giv til andre tilsette som då ser oppgåvene med nye auge, forklarar ho.

– Eit godt arbeidsmiljø

Gaute treivst etter kvart så godt som lærling hjå SIMAS at han kunne tenke seg å bli verande.

– Eg har flinke kollegaer og eit godt arbeidsmiljø. Etter læretida håpar eg så klart å få jobbtilbod i SIMAS, sa han den gangen.

Og det fekk han. Sidan den gang har han ikkje teke berre eitt, men to fagbrev. Først i yrkessjåførfaget og no i anleggsmaskinførarfaget.

Me gratulerer, og er glade for å ha Gaute med på laget!