Sogndal sin nye leikeplass blei grøn og fin med SIMASkompost
SIMAS har donert 60 m² kompostjord for å gjere sentrumsparken enno trivelegare for ungane.
Den nye leikeplassen i sentrumsparken opna i starten av mai, og blei godt teken imot av innbyggjarane. Lekeplassen er blitt oppgradert med nye apparat, etter iherdig innsats frå frivillige, kommunen og lokalt næringsliv.
Prikken over i-en var å gjere området litt trivlegare med ny grasplen, og då var me ikkje vanskelege å be. Det blei lagt ut SIMASkompost på om lag 60 m², før den nye plenen kom på plass. Komposten gir gode vekstforhold for graset, og så er det ekstra kjekt at matavfallet frå sogningane kan nyttast til utbetring av grøntareal - til glede for store og små.
Sjå kor grønt og frodig det blei! (Klikk på bilda for stor visning)
Leikeplassen før kompost og ny grasplen blei lagt ut.
Leikeplassen er no grøn og fin!
