Signering av avtale mellom SIMAS og Årdal kommune
No er avtalen signert: SIMAS tek over all avfallshandtering i Årdal kommune.
Etter ein god demokratisk prosess i Årdal vart avtalen med SIMAS IKS om overtaking av det lovpålagte ansvar for renovasjon og avfallshandtering vedteken i kommunestyret.
Avtalen blei godkjent på kommunestyremøtet 27. april og er eit resultat av endringar i nasjonale retningslinjer for handsaming av avfall og eit ynskje frå Årdal kommune si side om å bli ein meir grøn og framtidsretta kommune.
Me i SIMAS applauderer dette valet og set pris på tillita kommunestyret viser vår ordning når Årdal går frå å vere eigar til å ta i bruk våre tenester.
