Rekordmange kvinner i SIMAS-leiinga
Leia av kvinner: Direktør Dagny Ugulsvik Alvik, HMS-/Kvalitetsleiar Anne Sigrid Loftesnes Harjo og styreleiar Torunn G. Hønsi.
– Unge kvinner fortel meg at det er inspirerande å sjå at det finst karrieremoglegheiter i bransjen, seier SIMAS-direktøren.
I dag er 11 av 45 tilsette i SIMAS kvinner. I leiinga ser det derimot annleis ut, med ein kvinneandel på 50 %. SIMAS har no både kvinneleg direktør, styreleiar og nestleiar. Det er unikt i SIMAS-samanheng.
– Då eg starta i SIMAS i 2018, var det berre to damer i leiinga. No er fire av totalt sju styremedlem kvinner. Det er ei kjempebra utvikling, fortel SIMAS-direktør Dagny Ugulsvik Alvik i anledning kvinnedagen.
Direktør i SIMAS, Dagny Ugulsvik Alvik.
Tradisjonelt ein mannsdominert bransje
Avfallsbransjen har lenge vore mannsdominert, og er prega av drift, kor det tradisjonelt har vore fleire menn.
– Det kjem heldigvis gradvis fleire kvinner inn i bransjen, også i leiarstillingar, fortel direktøren.
– Det er veldig bra for arbeidsmiljøet at det er ei blanding av kjønn på arbeidsplassen, og det er viktig for dynamikken at begge kjønn er representert både på arbeidsplassen og i leiinga.
Les også: Ynskjer fleire jenter velkomne til anleggsbransjen
Vil syne fram moglegheitene
På dei seks åra ho har jobba i SIMAS, har óg rekt å tenkje litt på korleis ein kan rekruttere enno fleire kvinner til bransjen.
– Vi må vise fram at det er mange spennande moglegheiter i bransjen vår. Me er i rivande utvikling innan digitalisering og teknologi og treng mykje forskjellig kompetanse. Er ein oppteken av miljø og berekraft, er dette ein bransje der ein verkeleg kan vere med å gjere ein forskjell, seier ho.
I tillegg har ho tru på at ein må jobbe systematisk over tid for å rekruttere fleire kvinner til bransjen. Det kan ein mellom anna gjere ved å satse på kvinnelege talent internt og motivere dei til å ta ansvar i kjerneområda og på driftssida, og ikkje berre i støttefunksjonar.
Les også: Miljøinteressa leda trainee Maria til SIMAS
– Klart kvinnedagen må markerast!
Korleis skal då direktøren markere kvinnedagen sjølv?
– Klart dagen må markerast. No skal eg kose meg på Jentejazz med Sogndal Storband på Sogndal kulturhus, avsluttar ho.
