SIMAS hentar juletreet ditt i januar
Du kan setje ut treet ved fyrste tømming av restavfall på nyåret.
I år som i fjor, kjem SIMAS og hentar juletre rundt om i Sogn. Du kan setje ut juletreet saman med avfallsbehaldarane på fyrste tømming av restavfall i januar.
Om du gløymer det, eller ikkje kan setje ut treet denne dagen, kan du levere juletreet på ein av miljøstasjonane våre heilt gratis.
NB! Me kan hente juletre på maks 2 meter. Er juletreet ditt lengre, del det i to sånn at vi får det med i bilen.
Gode grunnar til å ikkje brenne juletreet
Det er fleire grunnar til at ein bør la vere å bruke juletreet som fyringsved:
Grantre inneheld mykje kvae. Det gjer at treet brenn eksplosivt, og på den måten er svært brannfarleg.
Ein får heller ikkje tilført nok luft til forbrenninga, og det vil danne seg gassar og partiklar som hamnar i skorsteinen. Dette aukar faren for pipebrann.
Gassane som vert danna er i tillegg helseskadelege. Dei kan virke kvelande og skape irritasjonar i luftvegssystemet.
SIMAS hentar óg julegåvepapiret i eigen sekk
Ved fyrste tømming av restavfall på nyåret, hentar me òg julegåvepapiret i eigen sekk. Nytt den sekken du vanlegvis nyttar til plastemballasje, og sett den ut i lag med restavfallsbehaldaren.
Hugs at gråpapir og resirkulert gåvepapir kan sorterast i behaldar for papp og papir.
Når kjem SIMAS neste gong? Last ned mobilappen Min Renovasjon eller finn din avfallskalender.
