Endring i henting av plastsekkar i Sogndal og Leikanger
I veke 4 vil to ulike renovasjonsbilar hente våtorganisk avfall, papp/papir og plastsekkar i Sogndal og Leikanger. Tidlegare har same bil henta alt dette.
Fram til no har den samme renovasjonsbilen henta både plastsekkar, våtorganisk avfall og papp/papir på same runde. No vil det vere ein bil som hentar plastsekken fyrst, og deretter kjem det ein ny bil og hentar våtorganisk avfall og papp/papir.
Det blir altså to besøk til kvar samleplass.
Ikkje bli bekymra viss fyrste bosbil køyrer av garde
Du treng med andre ord ikkje å bekymre deg viss renotvatøren køyrer av garde utan å hente papp/papir og våtorganisk avfall. Det kjem ein bil nummer to og hentar dette.
Me ber om litt tålmod frå abonnentane vår, slik at ein ikkje går ut og hentar inn igjen dunkane før bil nummer to har vore innom.
Prøveordning i to veker
Endringa er ein prøveordning for å sjå om vi kan få til enno betre kvalitet på utsorteringa av plast og papir. Ikkje minst ønskjer vi å betre arbeidsmiljøet til dei tilsette i sorteringshallen i Festingsdalen.
Prøveordninga vil i fyrste omgang foregå i to veker, veke 4 og 5.
Endringa i veke 4 gjeld rutene i Leikanger og Sogndal:
Måndag: Rute 401 og 501
Tysdag: Rute 402 og 502
Torsdag: Rute 404 og 504
Fredag: Rute 205, 405 og 505
Du finn rutenummeret ditt og oversikt over tømmedag i avfallskalendrane for 2022 .
