Bli med på Kystlotteriet i vår
Det blir rydda tonnevis med plast frå vatn, kyst og fjord kvart einaste år gjennom Kystlotteriet. Blir du med?
Saman med Kystlotteriet ønskjer me i SIMAS å tilretteleggje for at det skal vere både enkelt og gøy å rydde kysten for avfall.
Plast i havet skadar fiskar, sjøfuglar og marine pattedyr. Ved å bli med og plukke marint avfall kan ein bidra til å gjere ein viktig forskjell for desse dyra.
Til saman blir det rydda tonnevis med plast kvart einaste år gjennom Kystlotteriet. Blir du med?
Slik fungerer Kystlotteriet:
Hent spesialsekk frå Kystlotteriet på ein miljøstasjon, eller ta kontakt med SIMAS om alternativ utlevering.
Rydd langs vatn, bekk eller fjord (marint avfall). Legg avfallet i spesialsekken.
Lever sekken på ein av miljøstasjonane.
Skann QR-koden på sekken med telefonen din og følg instruksjonane for å registrere sekken og få lodd. Du kan óg registrere sekken og få lodd på reg.kystlotteriet.no
Ha godt samvit for at du har rydda naturen, og kryss fingrane for at du i tillegg vert premiert for det :)
Vinn flotte premiar og opplevingar
Det vert både lokale, regionale og nasjonale trekkingar gjennom heile året. Sjå meir informasjon om premiar hjå Kystlotteriet.
Få med deg kjende på å rydde langs fjord og vatn, og meld deg gjerne på via Ryddeportalen. Del informasjonen med venene dine og hjelp oss å spreie det glade bodskap!
