Sommartid på miljøstasjonane og endringar i mai
Miljøstasjonen i Festingdalen, Sogndal.
I mai skjer det mykje: Utvida opningstid, ruteendringar på 1. mai, stengt på høgtidsdagar og ope enkelte laurdagar. Her får du oversikten.
Opningstider på miljøstasjonane
Frå og med 1. mai går me over til sommartid på miljøstasjonane. Opningstid vil vera 12.00-19.00 på alle miljøstasjonar dei gjeldande dagane. Sommartid gjeld i periden 1. mai til 1. september.
På høgtidsdagane 1. mai, 17. mai, Kristi Himmelfartsdag 18. mai og 2. pinsedag 29. mai held miljøstasjonane stengt.
Ruteendringar på 1. mai:
Grunna høgtidsdag på 1. mai blir det ruteendringar:
Rute 101 (Høyanger) går laurdag 29. april
Rute 201 (Vik), 301 (Aurland), 401 (Leikanger), 501 (Sogndal) går onsdag 3. mai
Rute 601 (Luster) går tysdag 2. mai
Ruteendringane kjem fram på avfallskalenderen og i appen.
Laurdagsopne miljøstasjonar
I samband med høgtidsdagar held me ope enkelte laurdagar. Dei som gjenstår er:
Aurland, Vik, Luster og Høyanger: Laurdag 20. mai kl. 10-14
Balestrand og Lærdal: Laurdag 3. juni kl. 10-14
Desse dagane kan du levere avfall som normalt til vanlege prisar - men på ein laurdag. Les meir her.
