Her er stolane våre fornya av Sogneprodukt

Då SIMAS trengde nye stolar til eige møterom, fall valet på ombruk heller enn å kjøpe nye.

Stolane på møterommet hjå SIMAS i Festingdalen var både slitne og flekkete. Det skulle vel berre mangle etter trufast bruk i 12 år?

I haust var det uansett på tide med ei fornying.

Gamle stolar blir nye

I staden for å kjøpe heilt nye stolar, fall valet på å få dei gamle stolane omtrekt med nytt stoff. Sogneprodukt i Balestrand fikk oppdraget, og var ikkje vonde å be.

Dei ti møtestolane har no fått splitter nye trekk i ein flott gråfarge, og ved hjelp av fagmann Fadi er dei blitt så gode som nye.

Strålande fornøgde

– Det er fyrste gong me gjer dette, så me var jo litt spente, fortel Aud Jane Beheim hjå SIMAS. 

– Med eit så vellykka resultat er dette garantert noko me vil satse meir på i fremtida og!

Fadi hos Sogneprodukt er fagmann på omtrekking av møblar.

Dei ti gamle møtestolane er blitt så gode som nye.