400 elevar besøker SIMAS og ViteMeir
Elevar frå Kyrkjebø, Vadheim og Høyanger på besøk i Festingdalen.
SIMAS i samarbeid med ViteMeir er i gang med det årlege skuleopplegget for 4. klassingane i Sogn.
Ein gong i året kjem spente elevar på besøk til SIMAS og ViteMeir. Det faste undervisningsopplegget let elevane få sjå og oppleve avfallsanlegget i Festingdalen, og lære om korleis dei ulike typane avfall frå hushaldningane i Sogn blir handtert. På ViteMeir er det praktiske oppgåver i form av redesign av klede, bygging av tårn av avfall med kjeldesortering og quiz i ballvegg.
Målet med opplegget er å vise elevane korleis ein kan redusere avfallsmengda gjennom ombruk og kjeldesortering.
– Med ViteMeir på laget er det blitt ei meir praktisk tilnærming, kor elevane ikkje berre får sjå, men óg skal løyse oppgåver. Det er veldig flott, og det ser ut som elevane likar det, seier Aina Raasholm Fauske, ansvarleg for skuleopplegget hjå SIMAS.
Me ønskjer elevane velkomen til SIMAS!
Elevar frå Kaupanger skule får sjå korleis avfallet blir handtert.
Redesign av klesplagg hjå ViteMeir.
