Vinnarteikninga er blitt digitalisert
Venstre: Ferdig digitalisert Aluna Aluminium. Høgre: Originalteikninga frå elev på Leikanger barneskule.
Aluna Aluminum er no blitt digitalisert, basert på teikninga frå ein kreativ elev i Sogn. Karakteren skal spille hovudrulla i eit nytt videoprosjekt.
I haust utlyste SIMAS teiknekonkurranse på 6. trinn i heile Sogn. Det var ein kreativ elev frå Leikanger barneskule som stakk av med sigeren, og teikninga hans blei vald ut til å nyttast vidare i prosjektet.
Då var neste steg å digitalisere teikninga, og no kan du endeleg sjå det det ferdige resultatet i biletet over.
– Me likte denne originalteikninga skikkeleg godt, seier prosjektleiar Jørn Mortensen hjå SIMAS.
– Karakteren er heilt tydeleg ein type metallemballasje, men utan at den er for sterkt prega av eksisterende merkevarenamn. Figuren ser triveleg og morosam ut, og kan få dei fleste til å smile! Me er veldig nøydde med det endelege digitale resultatet óg.
No som teikninga er digitalisert, skal karakteren nyttast vidare i eit videoprosjekt. Målet med prosjektet er å syne reisa til aluminium - frå smelteverket til butikken, frå kjøleskapet til gjenvinningsstasjonen og til slutt som eit nytt produkt.
Videoprosjektet er del av eit større fokus hjå SIMAS; å auke kunnskapen om og eigarskapet til kjeldesortering blant innbyggjarane i Sogn. Me gler oss til vegen vidare!
Over 100 teikningar av Aluna Aluminium
