Slik unngår du at boset frys fast
Frys boset fast i behaldaren, får ikkje renovatøren det med seg. Her er nokre enkle tips for å unngå det.
Den kalde, fine tida er her - og det er det nok mange som er glade for. Men når det er så kaldt som det har vore den siste tida, kan boset lett fryse fast i avfallsbehaldaren og skape trøbbel for renovatørane våre.
Problemstillinga gjeld spesielt for våtorganisk avfall, men óg for anna avfall som er fuktig.
Av helsemessige omsyn skal ikkje renovatørane ta i boset, og dermed vert avfallet som ikkje fell ut av seg sjølv verande att i dunken. Under får du nokre enkle tips for å unngå problemet.
Slik unngår du at boset frys fast:
Legg ei avis, eggekartong, bark, strø eller flis i botn av dunken
Legg gjerne tørkepapir eller avispapir oppi saman med avfallet, det trekk til seg litt av fukta
Sørg for at bioposar er godt knytt saman
Lukk loket på behaldarene heilt, slik at det ikkje kjem fukt inn
Hugs óg å måke og strø så renovatøren kjem seg fint fram. God vinter!
