Anlegge plen? Prøv kompostmix
– Slik ser plenen ut etter 10 veker med 15 cm kompostmix som underlag.
“Ingen gjødsling eller kalking verken før etablering eller etterpå”. Det fortel ein av kundane våre.
I SIMAS sel me næringsrik kompost i lausvekt. Du kan velje mellom tre ulike produkt.
Kompostmix: Eigenskapar og bruk
Kompostmix er rein kompost blanda med sand. Dermed er dette eit produkt du kan plante direkte i, men me anbefaler gjerne at du blandar i litt jord. Kompostmix eigner seg godt til oppbygging av grønsakhagar, blomsterbed, buskplanter og plen.
Me tilfører fin natursand, slik at komposten er god å jobbe med.
Tilgjengeleg i Festingsalen
All kompost frå SIMAS er fri for store steinar og har god drenering. I tillegg har komposteringsprosessen teke knekken på ugrasfrø, snigleegg og maur.
Me tilbyr rein kompost på alle miljøstasjonane våre, medan kompostmix kun er tilgjengeleg på jordtorget i Festingdalen.
Kompostmix koster 630 per m3, og 50 kroner per sekk.
