Har du baderomsfliser til overs?
Då vil me høyre frå deg! Me treng fliser til den nye miljøparken i Luster.
Nytt administrasjonsbygg for tilsette
Den best besøkte miljøstasjonen hjå SIMAS skal utvidast, og den nye miljøparken i Gaupne begynner å ta form. På den nye tomta, ved Røneidsgrandane, skal det mellom anna opp eit administrasjonsbygg for dei som jobbar i miljøparken.
Til dette bygget vil SIMAS nytte ombruksmateriale og kreative løysningar, og me har tidlegare etterspurt ombruksmateriale til bygginga.
Treng baderomsfliser
Sjølv om bygginga er godt i gang, treng me fortsatt baderomsfliser til veggar og golv i det nye bygget. Desse vil bli nytta til nye dusj- og baderomsfasilitetar for dei ansatte.
No håpar me at nokon har fliser liggjande på loftet eller i boden som kan få nytt liv i miljøparken.
– Eg håpar folk ser moglegheita til å setje sitt preg på bygget, seier Geir Øygard i SIMAS, som er koordinator for prosjektet.
