Hald naturen fri for bos i sommar
Det tek over 2 månader før eit bananskal er brutt ned i naturen, og med ei plastflaske tek det heile 10-20 år. Her får du nokre gode tips.
Norsk natur har mykje flott å by på i sommar, men hugs på sporlaus ferdsel. Som hovudregel skal det vere like fint når drar, som då me kom.
Mange tenker at det er greitt å leggje igjen matrestar som bananskal, jordbærstilkar eller halvspiste pølser i naturen. Dei blir jo brutt ned uansett?
Ofte kan det ta svært lang tid før avfallet er brutt ned. Difor er det langt betre at du tek med deg avfallet til nærmaste bosdunk eller eventuelt heim for å kjeldesortere.
Her er nokre tips:
Skal du spise ute, vel mat som ikkje har mykje eingongsemballasje
Lag gjerne klart måltidet heime før du dreg
Ta med ein ekstra pose i sekken for å oppbevare og ta med alt av bos
Unngå eingongsprodukt viss du kan
Hugs at plastleiker som spadar og bøtter blir til avfall viss det blir liggande/gløymt igjen
Sjå deg rundt når du dreg, pass på at du har fått med deg alt
